O accidente tivo lugar na estrada N-525, en Porto Alto, na parroquia de Boado
Un choque entre dous vehículos rexistrado na mañá deste sábado no termo municipal de Xinzo de Limia saldouse cunha muller e unha nena feridas de carácter leve.
O accidente tivo lugar na estrada N-525, en Porto Alto, na parroquia de Boado, segundo informou o 112 Galicia, que foi alertado por un particular do ocorrido.
Por parte do Centro de Atención ás Emerxencias do 112 informouse a Urxencias Sanitarias e aos Bombeiros de Xinzo. A colisión tamén foi posta en coñecemento de Protección Civil e da Guardia Civil de Tráfico.
En concreto, segundo sinalaron as mesmas fontes, ata o lugar do sinistro foron mobilizadas dúas ambulancias.
