O xuízo do que foi subdirector da sucursal bancaria Banco Santander Hispano de Allariz, Manuel R.V., está acusado de apropiarse do diñeiro de varios clientes en operacións entre 1999 o 2002
O fiscal de Ourense pide 5 anos de prisión para un directivo do Banco Santander Hispano na sucursal de Allariz, ao que acusa de apropiarse de 347.000 euros de varios clientes en operacións realizadas entre 1999 e 2002.
O xuízo do que foi subdirector da sucursal bancaria de Allariz, Manuel R.V. de 59 anos, celebrarase na Audiencia Provincial de Ourense os días 27 e 28 de novembro, tras sufrir un aprazamento dende finais de outubro e contará cunha vintena de testemuños de clientes, traballadores da entidade, esposa e sogra do acusado, e a declaración de tres peritos entre economistas e caligráficos.
O escrito da acusación pública, á que tivo acceso Europa Press, considera o acusado autor dun delito continuado de falsidade en documento mercantil "en concurso con delito continuado de apropiación indebida", e contempla a circunstancia atenuante de "dilacións indebidas", polo que pide 5 anos de prisión, multa de 6.600 euros, inhabilitación especial e obriga de indemnizar ao banco co diñeiro apropiado e outros 25.000 euros de intereses.ç
Para á súa muller e á súa sogra
O fiscal acusa o exdirectivo en Allariz de facerse con 347.015 euros de cinco clientes da entidade, que os ingresaron en contas a prazo fixo, para obter un "inxusto beneficio" pois o engadiu ao seu patrimonio sen autorización dos clientes nin coñecemento da entidade bancaria, e seguindo pautas diferentes, nos anos 1992, 1998 e 2002.
Segundo o escrito, o banco aboou a tres dos clientes o diñeiro que o acusado se apropiou e un total de 24.000 euros de intereses. Os outros dous son un cliente que entregou en xaneiro de 2002, ao acusado, 42,070 euros en depósito "que non contabilizou e ingresou no seu patrimonio" e outro que abriu unha conta a prazo fixo con 51.680 euros dos que o acusado retirou 45.670 euros en novembro de 2002.
O banco no que traballou o acusado durante 23 anos, acúsalle de "simular, efectuar anotacións e movementos" en contas e fondos de clientes do banco "de forma irregular, sen autorización dos seus titulares nin da entidade bancaria". O exdirectivo, segundo a acusación particular, fíxoo co fin de apropiarse de diferentes cantidades de diñeiro, no seu beneficio "ben directamente ou ingresándoo en contas da súa esposa e a nai desta", segundo o escrito de acusación ao que accedeu Europa Press.
Recoñeceu pero minimizou
Segundo a entidade bancaria, o acusado "recoñeceu os seus actos" ante a inspección da empresa "pero minimizando os importes xa descubertos e que alcanzan a suma de 875.533 euros, que foi reembolsado no seu día polo banco aos clientes defraudados e prexudicados,", di o escrito de acusación.
Acusa o seu extraballador de delito continuado de apropiación indebida en concurso cun delito de falsidade, polo que pide unha condena de 6 anos de prisión, multa e pagamento de todas as costas procesuais, ademais da obriga de restituír ao banco, como responsabilidade civil, a cantidade de 875.533 euros máis os intereses, dende a data en que foron aboados aos prexudicados.
Pola súa parte a defensa, segundo o seu escrito de cualificación provisional ao que accedeu Europa Press, "disente totalmente" do relato de feitos do fiscal pois "se omiten facetas de vital importancia" que levarían a "resolver o caso na xurisdición civil".
O letrado do acusado manterá que non existe delito "e polo tanto non procede falar de autoría", segundo o escrito, e reclama a absolución do exdirectivo.
