O acto que tivo lugar na vila de San Rosendo e ó mesmo asistiu o portavoz nacional da formación, Xavier Vence.
O BNG presentou onte aos seus candidatos ás alcaldías nas comarcas de Celanova e Baixa Limia. O acto que tivo lugar na vila de San Rosendo e ó mesmo asistiu o portavoz nacional da formación, Xavier Vence.
A formación nacionalista deu a coñecer ós seus cabezas de lista en once dos quince concellos que conforman estas dúas comarcas, quedando sen candidatura Lobios, Quintela de Leirado, Padrenda e Pontedeva, aínda que fontes do BNG sinalan que se poderán presentar en datas vindeiras .
Os cabezas de lista das candidaturas presentadas onte son: Bande, José Antonio González Vázquez; A Bola, Carmen Álvarez Nogueira; Cartelle, Luis Vázquez Guntín; Celanova, Leopoldo Rodríguez Puga; Entrimo, Fernando Estévez Estévez; Gomesende, Eloy Vázquez Pérez; Lobeira, Antón Álvarez Álvarez; A Merca, Xurxo Nóvoa Rey; Muíños, Ramón León León; Ramirás, Marcos Meléndez Alonso, e Verea, José Antonio Pérez Valado.
No curso do acto, os candidatos explicaron algunhas propostas do BNG-Asambleas Abertas para dinamizar as comarcas, que resumiu o portavoz nacional, Xavier Vence, sinalando que os esforzos da formación nacionalista dirixiranse a sumar e coordinar propostas entre concellos "para favorecer o dpesenvolvemento económico desta parte da provincia, que debe ter no sector da agricultura e na posta en valor do seu patrimonio as dúas principais pancas para a creación de riqueza e emprego".
