O importe das axudas é de 25.000 euros e foron 77 deportistas os que optaron a elas.
O Consello Municipal de Deportes aprobou a concesión de bolsas cun importe de 25.000 euros para a mellora e pefeccionamento de deportistas de Ourense que destacaran na súa participación en competicións oficiais de carácter individual nas distintas modalidades deportivas no 2016. Foron concedidas a 62 deportistas empadroados na provincia.
Para esta convocatoria se presentaron 77 solicitudes, un 12% máis co ano pasado. Finalmente foron concedidadas en base aos seis mellores resultados acadados polos deportistas en seis competicións oficiais. Serán entregadas a deportistas de 20 disciplinas diferentes como jiu jitsu, tiro olímpico, ximnasia, atletismo, kung fu, piragüismo ou hípica.