A caravana publicitaria incluirá un vehículo coa imaxe promocional de “Ourense, a provincia termal” durante o evento deportivo dente o 19 de agosto ata o 10 de setembro
"Ourense, provincia termal" estará na Vuelta a España 2017 en una caravana publicitaria que acompañará aos ciclistas en todas as súas etapas. O presidente da Deputación de Ourense, Manuel Baltar, e o director xeral de Unipublic e do evento deportivo, Javier Guillén, estreitaron a colaboración para que a marca termal da provincia se vexa en todo os puntos do mundo.
A caravana publicitaria incluirá un vehículo coa imaxe promocional de “Ourense, a provincia termal”, con material de merchandising, e a presenza no denominado “Parque Vuelta”, un espazo temático de ocio, espectáculos e gastronomía visitado por máis de 100.000 persoas, principalmente público familiar.
A imaxe de “Ourense, a provincia termal” será difundida en 190 países, nun evento que terá 140 horas de difusión en televisión, cunha media diaria estimada de audiencia de 1,4 millóns de espectadores. Ademais, o alcance da promoción completarase coa difusión a través da web da Vuelta (4,1 millóns de visitantes), e as plataformas móbiles (250.000 descargas), así como nas redes sociais (con 590.000 fans e máis de 14 millóns de vídeos vistos). As cifras de espectadores que seguen “in situ” a “Vuelta” é de 2,5 millóns de persoas, ao longo das máis de 400 cidades que visita a caravana nos seus 3.500 quilómetros de percorrido.
