A comunidade é a máis barata nos produtos de supermercado, segundo un barómetro de Soysuper.
Galicia segue como a comunidade máis barata para facer a compra no supermercado, xa que é un 0,97% menos que a media estatal, segundo se recolle nun barómetro da compañía Soysuper.
Así mesmo, Lugo é a provincia máis barata de España para facer a compra, con prezos un 1,62% máis baixos que no resto de España; seguida por Ourense (-1,03%) e Pontevedra (-0,86%).
No outro extremo, as clasificacións de comunidades máis caras están lideradas por Baleares, un 0,45% máis cara que a media, seguida por La Rioja, Euskadi e Asturias. Entre as máis baratas tras Galicia están Murcia e Canarias.
Pola súa banda, Navarra foi a provincia que máis subiu os prezos en comparación coa media dende o ano pasado, mentres que en Badajoz foi onde máis baixaron.