Pontón anima en estas últimas horas a "convencer a los indecisos"

Pontón felicitou a militancia pontevedresa por unha campaña "espléndida" na que recolleu unha corrente de "simpatía e ilusión" cara ao BNG

Pontón anima en estas últimas horas a "convencer a los indecisos"

Un aperitivo na Praza de Ourense foi o acto de peche de campaña que escolleu o Bloque Nacionalista Galego para a cidade de Pontevedra. A candidata do BNG á Presidencia da Xunta, Ana Pontón, estivo arroupada neste acto por un centenar de militantes e simpatizantes, aos que animou a "convencer os indecisos" para sumar o proxecto da formación a "moitas persoas desesperanzadas".

Neste marco e cando "quedan poucas horas, pero aínda son moitos minutos", a candidata esforzouse en reclamar aos seus que aproveiten o tempo que queda para "convencer aos indecisos con chamadas, mensaxes, whatsapps, ou publicacións" en redes sociais" e lograr que "moitas persoas desesperanzadas" poidan sumarse ao proxecto de "ilusión e futuro" que representa o BNG.

Pontón felicitou a militancia pontevedresa por unha campaña "espléndida" na que recolleu unha corrente de "simpatía e ilusión" cara ao BNG que representa a "esperanza de cambio" fronte á Galicia "gris e triste" do Partido Popular.

"Non vos resignedes", animou Ana Pontón aos cidadáns animándoos para que confíen no BNG para contar cunha Xunta "ao servizo dos galegos" e cunha Galicia "con igualdade, sen desemprego, sen corrupción e sen un goberno entregado aos intereses das grandes empresas", afirmou.

Aberto "novo ciclo"

De novo, ao igual que fixo durante toda a campaña, a candidata do BNG sinalou que a súa formación atesoura "experiencia", recoñecendo mesmo que cometeu "erros" nos últimos anos, pero destacando que "sempre estivo do lado de Galicia e dos galegos", algo no que "nunca nos equivocamos".

Pola súa banda, o candidato do BNG por Pontevedra Luis Bará afirmou que con esta campaña electoral se abriu un "novo ciclo" para o nacionalismo galego cunha organización "forte, activa e cohesionada" que conta co proxecto político "claro e cun rumbo certo".