ADOS lembra que para poder atender as necesidades dos centros sanitarios galegos son necesarias 500 doazóns de sangue cada día, polo que subliña a importancia de acudir a doar de todos os grupos sanguíneos.
As reservas dos grupos sanguíneos A negativo (A-) e Cero positivo (0+) permanecen baixas en Galicia, mentres que as de Cero negativo (0-) e A positivo (A+) seguen normais, segundo a información facilitada este martes pola Axencia de Doazón de Órganos e Sangue (ADOS).
ADOS lembra que para poder atender as necesidades dos centros sanitarios galegos son necesarias 500 doazóns de sangue cada día, polo que subliña a importancia de acudir a doar de todos os grupos sanguíneos.
Co fin de facilitar a doazón, o vindeiro luns, 26 de marzo, ADOS desprazará unidades móbiles aos municipios coruñeses de Vila de Cruces -á beira do Concello-, A Coruña -barrio dos Mallos diante do antigo ambulatorio na Ronda de Outeiro-, Oza-Cesuras -diante da farmacia en Oza-, Oroso -fronte ao centro médico en Sigüeiro- e Brión -á beira do colexio-.
Tamén o luns haberá unidades móbiles na localidade luguesa de Mondoñedo -entrada da Praza da Catedral-, así como na ourensá da Gudiña -xunto ao Concello-.
Así mesmo, ADOS enviará unidades aos concellos pontevedreses de Redondela -diante do Consistorio-, Pontevedra -zona Herrería- e Vigo -rúa Urzaíz 223 no Calvario-.
