Os incendios forestais e o lume en vehículos e domicilios representaron máis de 40% das emerxencias atendidas polos parques de bombeiros da zona norte da provincia de Lugo durante o primeiro trimestre de 2014, segundo informou hoxe a Deputación Provincial.
Os parques de bombeiros de Barreiros, Vilalba e Viveiro atenderon un total de 114 emerxencias durante o primeiro trimestre deste ano, das que 46 -40,3% do total- foron incendios forestais, en edificios ou en vehículos.
Ademais, no mesmo período de tempo, tiveron que practicar seis rescates e excarceracións de persoas, a maioría como consecuencia de accidentes de circulación.
As 114 incidencias atendidas no primeiro trimestre deste ano supoñen un incremento de 24% en relación cos tres primeiros meses de 2013, cando os bombeiros dos tres parques da zona norte de Lugo responderon perante un total de 83 emerxencias.
