Denuncian que Sanidad iniciou un "proceso regulador" que define "os remedios homeopáticos" como "medicamentos"
Unha trintena de persoas, entre os que se atopaban médicos e químicos, escenificaron este sábado un "suicidio colectivo" na Praza do Obradoiro de Santiago para mostrar o seu rexeitamento ao "proceso regulador" iniciado polo Ministerio de Sanidade, Servizos Sociais e Igualdade, que define "os remedios homeopáticos" como "medicamentos".
En declaracións aos medios o profesor de química e membro da Sociedade para o Avance do Pensamento Crítico (ARP) da capital galega, José Manuel Facal, explicou que, fronte a un tratamento como "medicamento tradicional", todas as preparacións homeopáticas deben conter na súa etiqueta a advertencia de que son produtos que "só teñen efecto placebo".
E é que, segundo indicou, malia que "non fan dano", xa que moitos só son pastillas "de sacarosa e lactosa", poden provocar que "moitos pacientes abandonen os seus tratamentos médicos por produtos homeopáticos debido á ausencia de efectos secundarios ou ás recomendacións doutras persoas".
"Hai decenas de casos de pacientes que abandonaron tratamentos cunha alta probabilidade de éxito debido á homeopatía, en moitas ocasións co resultado de que o enfermo acabou morrendo,", advertiu.
"SUICIDIO COLECTIVO"
Precisamente, para deixar constancia de que "estes preparados" non son "medicamentos tradicionais", os participantes tomou unha caixa enteira dun destes "remedios", composta por 40 pastillas, para deixar claro que "estes non producen ningún tipo de efecto" ao estar composto "solo por sacarosa ou lactosa".
"Se tomásemos a mesma cantidade, ou muchísima menos, dun medicamento tradicional, como pode ser o Valium, agora mesmo xa estariamos a desmaiarnos e mesmo próximos a morrer", asegurou antes de sinalar que estas pastillas "son en realidade como lambetadas ou caramelos".
