O accidente provocou que a cantante quedara atrapada no interior do vehículo, polo que foi necesaria a intervención dos bombeiros de Carballo, que a excarceraron falecida
Paula Sueiro faleceu esta tarde tras envorcar o coche no que circulaba por a AC-552, á altura da parroquia de Agualada, no Concello de Coristanco (A Coruña).
Segundo informa o CAE 112 Galicia, o accidente provocou que a cantante quedara atrapada no interior do vehículo, polo que foi necesaria a intervención dos bombeiros de Carballo, que a excarceraron xa falecida. Ademais, un poste da iluminación pública caeu sobre o coche sinistrado.
Foi un particular o que deu a alerta arredor das 16,30 horas. Ata o lugar tamén se desprazaron, entre outros, técnicos sanitarios de Urxencias Médicas, efectivos do GES de Ponteceso, axentes da Garda Civil de Tráfico e membros de Protección Civil de Coristanco.
A noticia levantou gran expectación no mundo audiovisual galego. O presentador Xosé Manuel Piñeiro expresou as súas condolencias á familia dende as redes sociais.
Consternado pola morte en accidente de Paula Sueiro, concursante de Recantos de @luartvg. Todo o meu cariño para a súa familia e amigos.
— Xosé Manuel Piñeiro (@sup3rpinheiro) febrero 8, 2016
