A xornada na que máis caminantes chegaron á capital galega para selar este texto foi a do Sábado Santo, con 1496 peregrinos.
Máis de 7.000 persoas recolleron ao longo da Semana Santa a compostela na Oficina do Peregrino, unha cifra que supera en máis de 2.700 peregrinos á rexistrada nas mesmas datas de 2013, cando se fixeron con este documento unhas 4.300 persoas.
Dende o pasado domingo, a xornada na que máis caminantes chegaron á capital galega para selar este texto que certifica a peregrinación a pé, en bicicleta ou a cabalo polo Camiño de Santiago foi a do Sábado Santo, con 1496 peregrinos, explicaron a Europa Press fontes desta oficina.
Por días, o Domingo de Ramos recolleron a compostela 276 persoas, o luns 369, o martes 632, o mércores 836. Estes números incrementáronse coa chegada dos festivos, ata alcanzar os 1087 caminantes o Xoves Santo, e os 1482 o Venres Santo.
As mesmas fontes detallaron que este domingo esperan superar as 1.000 compostelas seladas posto que, a primeira hora desta tarde, o número xa superaba as 800.
Segundo explicaron, o "bo tempo" pode estar detrás do aumento de persoas que se animaron a realizar a Ruta Xacobea na Semana Santa deste 2014, periodo que se caracterizou polas elevadas temperaturas na Comunidade galega.
