Tamén defendeu que os prezos estean referidos a algún indicador de mercado, o que permite a ferramenta informática Xacobea" que a Consellaría puxo a disposición do sector
A directora xeral de Produción Agropecuaria, Patricia Ulloa, referiuse hoxe á "posible introdución da figura do mediador" nos cambios que se prevén para o novo paquete lácteo.
Ulloa participou hoxe na xornada "O sector lácteo galego cara a un futuro sen cotas", onde sinalou que o futuro pasa por minimizar os efectos dunha posible taxa láctea, por sobreprodución, e pola sinatura de contratos dun mínimo de 12 meses, informou a Xunta nun comunicado.
Tamén defendeu que os prezos estean referidos a algún indicador de mercado, o que permite a ferramenta informática Xacobea" que a Consellaría puxo a disposición do sector, e que os produtores aproveiten as potencialidades do paquete lácteo en asuntos como a negociación colectiva dos contratos cos compradores.
A representante de Medio Rural destacou que se produciu un incremento nas entregas de leite en Galicia na serie histórica e nos últimos meses, que en agosto de 2014, con respecto ao mesmo mes de 2013, foi de 11,2 millóns de quilos, o que supuxo, ademais, que Galicia rexistrou o 37,7 por cento do incremento do total do leite español.
