Esto implica que o servizo de préstamo verase afectado durante un tempo, dado que o persoal da biblioteca terase que centrar en reetiquetar todos os libros da institución, xerar os novos carnés de socios e publicitar a nova normativa
A Biblioteca do Concello de Verín, a través da Concellería de Cultura, asinou un convenio coa Rede de Bibliotecas de Galicia, polo cal actualiza o seu programa de xestión e adáptase á normativa da Rede. Esto levará consigo que todos os socios da nosa biblioteca terán acceso automáticamente aos fondos do resto das bibliotecas que forman a Rede de Bibliotecas de Galicia, ademáis dunha máis doada interacción coa biblioteca dende a nova plataforma web https://catalogo-rbgalicia.xunta.gal.
Esto implica que o servizo de préstamo verase afectado durante un tempo, dado que o persoal da biblioteca terase que centrar en reetiquetar todos os libros da institución, xerar os novos carnés de socios e publicitar a nova normativa.
A biblioteca permanecerá aberta, e o servizos de consulta, ordenadores, fomento á lectura e dinamización cultural (presentacións, conferencias, exposicións, etc, ...), van permanecer inalterados, sempre na medida do posible.
Dende a Biblioteca do Concello de Verín e a súa concellería, solicitan a todos os usuarios da mesma que sexan pacientes e ofrecen as súas desculpas "por estes trastornos, pero é inevitable para o acceso ao novo programa de xestión", din dende a concellería de Cultura.