Pola tarde saíron os Peliqueiros para recibir á Morena, a máscara de vaca feita en madeira e con cornos do mesmo animal
O luns de Entroido coñecido como Luns Borralleiro é o día grande dun dos entroidos máis internacionais de España, o de Laza.
Desde pola mañá a tradición foi protagonista coa "Farrapada", unha batalla con trapos (farrapos) empapados en barro cuxa misión é ensuciar ao próximo e sobre todo ao visitante; e a "Xitanada dos Burros", unha procesión onde parellas de mozas percorren subidos aos burros as rúas de Laza e Souteliño parodiando aos camiñantes que antigamente pasaban de Galicia a Castela e León.
Pero o momento máis importante do día chegou xa de tarde coa saída dos Peliqueiros e a baixada da "Morena", un home cunha máscara de vaca feita en madeira e con cornos do mesmo animal que veu acompañado de formigas enfadadas horas antes con vinagre para que piquen máis, e que se lanzan entre os asistentes na Praza da Picota que esperan ansiosos o momento culmen do “ enxebre” evento.
O punto e final chegou coa repartición da "cachucha" e o xastré (licor típico da localidade) e sobre todo coa entrada dos Peliqueiros para poñer orde e exhibir o sentimento que supón vivir a súa tradición.
