INVIERNO

Verín tembla do frío: -7,2 grados

1op3481_result
photo_camera As baixas temperaturas nótanse en toda a provincia, tamén en Xinzo.

O concello ourensán rexistrou a temperatura mínima de Galicia

A localidade ourensá de Verín rexistrou na mañá deste venres a temperatura mínima de Galicia, con -7,2ºC, nunha xornada na que a Comunidade galega ten aviso por frío.

Segundo os rexistros de Meteogalicia até as 9,30 horas, recollidos por Europa Press, ademais dos 7,2 graos negativos en Verín, rexistráronse temperaturas mínimas significativas noutras localidades con altitude menor de 900 metros como Calvos de Randín (-6ºC) e Baltar (-5,8ºC), na provincia de Ourense; e nas luguesas de Sarria (-5,7ºC) e Bóveda (-4,8ºC).

Na xornada deste xoves a temperatura mínima correspondeu aos municipios ourensáns de Verín e Calvos de Randín, con -4,7 graos centígrados.

En canto aos concellos con altitude maior de 900 metros a mínima obtívose en Vilariño de Conso (Ourense), con -5,7ºC, ás 8,00 horas deste venres. Na montaña ourensá rexistráronse, ademais, -5,4ºC na Mezquita; -4,2ºC na Veiga e -3,4ºC en San Xoán de Río.

Mentres, na zona alta da provincia de Lugo os termómetros descenderon até os -2,6ºC en Navia de Suarna ás 6,50 horas deste venres, segundo consta nos rexistros de Meteogalicia.

Te puede interesar