O mesmo dará comezo a partir do primeiro día de clase do mes de outubro e rematará no mes de xuño.
A Asociación de Nais e Pais (ANPA) do Centro Público Integrado Terras de Maside, contando co apoio deste Concello, pon en marcha a partir do primeiro de outubro o novo programa Concilia. O mesmo dará comezo a partir do primeiro día de clase do mes de outubro e rematará no mes de xuño.
O horario será dende as 16,30 ata as 20,00 horas. Dedicando a primeira hora a actividades deportivas e de entretemento e de 18,00 ata as 19,30 horas a tarefas de estudo con acompañamento por parte dos monitores.
A organización corre a cargo da ANPA e o centro achega as instalacións e a merenda para todos os nenos que participen de todo o programa.
ACTIVIDADES
En canto ao proxecto de actividades extraescolares, que comezará tamén no mes de outubro, ten a finalidade de mellorar a ensinanza dos nenos e facilitar a conciliación familiar.
A programación inclúe zumba, debuxo, taekwondo, inglés, xadrez e informática, e os nenos repartiranse por tramos de idades.
Os monitores que impartirán as distintas actividades son todos titulados, sobre todo no tocante aos responsables das tarefas de estudo, inglés e taekwondo, segundo informa a ANPA.
