Todas aquelas persoas que desexen colaborar poden facelo levando as súas fotografías á secretaría da alcaldía, onde se escanearán de inmediato, ou dirixíndose a O Potiños.
O concelleiro de Promoción Económica do Carballiño, Adolfo Nogueira; o presidente da Asociación Fotográfica "O Potiños", Manuel Blanco; e o presidente do Centro Comercial Aberto (CCA), Julián Garriga, anunciaron a iniciativa que consiste nunha publicación coa historia ilustrada do comercio local.
Recopilar fotografías, documentación e historias vencelladas co comercio e o emprendemento local é o obxectivo que se marcan. Adolfo Nogueira sinalou que se persigue "amosar a tradición e o dinamismo empresarial carballiñés desde o século XIX ata finais do século XX. Con tal motivo, Manuel Blanco animou aos carballiñeses a facilitar fotografías para formar parte da publicación.
No mesmo sentido se pronunciou Julián Garriga, felicitando tanto ao concello como á Asociación O Potiños pola iniciativa, e prestándose para incentivar aos máis de cen socios do CCA a colaborar.
Todas aquelas persoas que desexen colaborar poden facelo levando as súas fotografías á secretaría da alcaldía, onde se escanearán de inmediato, ou dirixíndose a O Potiños.