"De cañas con...Enrique San Francisco" terá lugar no auditorio do Carballiño ás 21 horas.
Dous espectáculos para todos os públicos abrirán este sábado no auditorio do Carballiño o programa cultural do Nadal. Trátase da obra “Cuento de Navidad” e do monólogo “De cañas con… Enrique San Francisco”. Ambos eventos terán lugar no auditorio municipal, en horarios de 17,00 e 21,00 horas, respectivamente.
"Cuento de Navidad" é unha representación da coñecida obra de Charles Dickens, que foi adaptada en multitude de ocasións ao cine, á televisión e ao teatro, e que agora chega ao Carballiño nunha versión teatral que percorre toda a xeografía nacional cun grande éxito.
"De cañas con...Enrique San Francisco" é o último espectáculo de humor montado por este popular actor que ten participado en máis dun cento de películas, series de televisión e obras de teatro de éxito.