A exposición permanecerá en dita sala ata o próximo 29 de abril
A exposición de "O eco das amazonas" inaugúrase este xoves na sala Valente da cidade, obra do artista ourensán Baldomero Moreiras. Esta obra, segundo o propio artista, pretende poñer en valor as achegas á cultura, ciencia ou política das mulleres, e as trabas as que moitas veces teñen que enfrontarse.
O alcalde de Ourense, Jesús Vázquez, con motivo desta presentación, anunciou máis actividades en torno a esta exposición. "Visita guiada musical con Juan Manuel Vázquez e Irma Fernández Alonso, recital de poesía de Chus Pato, concerto de guitarra de Tomás Camacho e dúas conferencias de Xosé Carlos Sierra e Manolo Menor Currás". Todas estas actividades desenvolveranse entre os días 8 de marzo e 12 de abril.
"O eco das amazonas" estará dispoñible ata o próximo 29 de abril.