Amencer participará o domingo no desfile de Entroido cunha comparsa formada por máis de 100 persoas, entre voluntarios, pais e nenos.
A Asociación Xuvenil Amencer contará con actividades variadas para os xóvenes da cidade para celebrar o Entroido e que se estenderán durante os próximos días. O amplo programa de actividades conforma unha cita xa habitual do carnaval ourensán.
Amencer ofertará obradoiros abertos mañá e o venres, nos que se poderá participar en actividades de comadres, maquillaxe e caretas e que se desenvolverán na sala Xangal de Amencer.
O venres haberá unha Festa de Entroido Xuvenil a partir das 22,30 horas na sede da asociación, que estará aberta a mozos maiores de 15 anos, que terán que ir disfrazados. O sábado será o turno da Festa de Entroido Infantil, ás 11,30 horas no Xardín do Posío.
Por último, Amencer participará o domingo no desfile de Entroido cunha comparsa formada por máis de 100 persoas, entre voluntarios, pais e nenos.
