Para tal fin, a institución provincial destinou un total de 176.574 euros
O goberno provincial ofreceu no ano 2017 un total de 57 accións formativas para 997 empregados públicos e cargos electos, para os que destinou un orzamento de 176.574 euros.
Así o informou o vicepresidente segundo da Deputación, Jorge Pumar, tras a reunión da mesa provincial de Formación Continua, na que se deu conta do balance do programa de Formación da Deputación do ano 2017 e na que se perfilaron as liñas de deseño do Programa do ano presente.
Pumar destacou que o Plan de Formación Continua da Deputación de Ourense "confirma a aposta decidida deste goberno pola formación dos empregados públicos da provincia, que consideramos imprescindible para dar o mellor servizo aos cidadáns".
