O obxectivo desta primeira edición é fomentar a participación e convivencia de acordeonistas da provincia para "demostrar a variedade e riqueza do mundo do acordeón en tódolos seus ámbitos –popular e clásico, amateur e profesional–"
O vindeiro domingo 29 de abril, ás 19,00 horas, terá lugar no Auditorio de Coles, en Cambeo, o I Encontro de "Foles de Ourense", coordinado pola profesora da Aula de Acordeón do Conservatorio Profesional de Música de Ourense, Celia Adrián.
O obxectivo desta primeira edición é fomentar a participación e convivencia de acordeonistas da provincia para "demostrar a variedade e riqueza do mundo do acordeón en tódolos seus ámbitos –popular e clásico, amateur e profesional–", segundo informou o Conservatorio.
Nesta actividade pioneira en Coles participarán a Escola de Música de Barbadás, a Escola Bieito Blanco, o Conservatorio de Xinzo de Limia e o Conservatorio Profesional de Música de Ourense.
