É o dato máis baixo de Galicia, onde das 15 mil toneladas obtidas só se empregaron para reutilización unhs 1.600.
A entidade responsable do reciclado de pneumáticos fóra de uso, Signus Ecovalor, recolleu en Ourense 2.085 toneladas, o dato máis baixo das catro provincias galegas.En Galicia recolléronse durante 2015 un total 15.051 toneladas de rodas en 2.179 puntos de xeración, principalmente servizos de pneumáticos e talleres.
Por provincias, retiráronse 5.409 toneladas na Coruña, 2.264 en Lugo, e 5.293 en Pontevedra.
En 2015, o destino dos pneumáticos recollidos en Galicia foi de 1.643 toneladas para a reutilización, tanto para a venda de ocasión coma para o seu recauchutado. As 13.408 toneladas restantes destináronse a instalacións de transformación para a súa reciclaxe e uso en diferentes aplicacións.
DATOS NACIONAIS
Durante o pasado exercicio, Signus recolleu en toda España 186.285 toneladas de pneumáticos nos 25.371 puntos de xeración que o solicitaron, sen custo para os talleres.
A cifra final xestionada de pneumáticos usados, lixeiramente superior á de recollida, alcanzou as 190.038 toneladas, das cales 24.305 toneladas se destinaron a preparación para a súa reutilización (ocasión ou recauchutado), 99.103 granuláronse, 100 toneladas destináronse a obra civil, 62.878 destináronse ao coproceso para a fabricación de cemento, 2.731 toneladas para a xeración de enerxía eléctrica e 921 toneladas a pirólise.
