O lume declarado na parroquia de Sever de Viana do Bolo quedou extinguido tras queimar unha superficie de 35 hectáreas
Os incendios forestais rexistrados nos municipios de Quiroga (Lugo) e de Viana do Bolo (Ourense) quedaron extinguidos na tarde deste sábado.
Segundo informou a Consellería do Medio Rural, o lume declarado na parroquia de Outeiro de Quiroga afectou a unha superficie de 45,46 hectáreas de monte raso.
Mentres, o incendio forestal declarado na parroquia de Sever de Viana do Bolo quedou extinguido tras queimar unha superficie de 35 hectáreas, das cales 27 eran de monte raso.
