RECOÑECEMENTO

O fiscal Julián Pardinas, premiado pola súa labor contra a violencia de xénero

OURENSE. 15.05.2015. JULIAN PARDINAS, FISCAL VIOLENCIA DE GENERO.  FOTO: MIGUEL ANGEL
photo_camera Julián Pardinas

O ourensano foi galardoado co XI Premio Clara Campoamor á Igualdade de Oportunidades 

Julián Pardinas, fiscal delegado de Violencia de Xénero en Ourense, foi galardoado co XI Premio Clara Campoamor á Igualdade de Oportunidades que entrega a Concellería de Igualdade “pola súa traxectoria no ámbito do servizo contra a violencia de xénero”. O xurado desta undécima edición destacou del “a implicación diaria coas mulleres vítimas de violencia, sendo recoñecido por todo o seu entorno, a súa humanidade, servizo implicado e sensibilidade cara as vítimas”, segundo se recolle na acta, “moitas veces máis alá do que o seu posto require”.

Julián Pardinas Sanz, ademais do seu labor á fronte da Fiscalía -que levou a cabo 1.068 procedementos xudiciais, un 12% máis que en 2015-, foi recoñecido polo Ministerio de Justicia coa Cruz Raimundo de Peñafort ou a Cruz do Mérito da Guardia Civil. Xunto a Pardinas, houbo 3 finalistas máis: María José Ordóñez, delegada da Subdelegación do Goberno para a Violencia de Xénero; Sonia Albor, representante da Marcha Mundial das Mulleres; e Carla García, subdirectora do Centro Penitenciario de Pereiro de Aguiar.

O xurado desta edición estivo composto (de esquerda a dereita na imaxe) por Felipe Ferreiro, presidente de Cruz Vermella Ourense, en representación do ámbito social da igualdade de oportunidades; Mª Jesús Vázquez Fernández, xefa de negociado da Concellería de Igualdade, actuando como secretaria; Maria Elena De Jesús Rodríguez, directora do CIMM; María José Corredoira Rico, do sindicato CC.OO., en representación do Consello Municipal da Igualdade de Oportunidades entre mulleres e homes; Alejandro Pérez Garrido, do Ilustre Colexio de Avogados/as de Ourense, en representación da Comisión de Investigación e Seguemento da violencia exercida contra as mulleres; e Sofia Godoy, concelleira de Igualdade.

Te puede interesar