Este sábado cúmprense 181 anos dende o nacemento da impulsora do movemento coñecido como "Rexurdimento"
"Miña terra, miña terra,
terra donde m’eu criei,
hortiña que quero tanto,
figueiriñas que prantei" (De "Adiós ríos")
A terra de Rosalía festexa durante toda a xornada deste sábado diversas actividades para festexar o aniversario 181 do seu nacemento. A que foi unha das figuras máis relevantes da literatura galega segue viva no espazo e no tempo de toda a comunidade, e tamén da provincia ourensá. Celanova acolle estes días unha mostra adicada a súa figura, onde revive a súa historia e obra artística.
Rosalía de Castro deu inicio co seu poemario "Cantares Gallegos" ao coñecido como "Rexurdimento", un importante movemento do século XIX que loitou a prol da lingua galega como ferramenta de expresión social e cultural.