No acto, promovido por Medio Ambiente, participarán alumnos do Colexio Bibei de Viana
A Consellería de Medio Rural celebrará hoxe no parque do Invernadeiro o Día europeo dos Parques, cunha visita da Conselleira, Beatriz Mato, e o desenvolvemento dun programa de actividades no que participarán escolares do Colexio Bibei de Viana do Bolo. Esta actividade forma parte dunha programación deseñada polo departamento autonómico durante toda a semana que se desenvolverá na Rede Galega de Parques Naturais e no Parque das Illas Atlántica.
A programación de hoxe no Invernadeiro, ubicado no concello de Vilariño de Conso, abrirase cunha charla informativa sobre a Rede de Parques Naturais e sobre os valores naturais do Invernadeiro. A continuación realizarase un percorrido pola ruta da Aceveda e posteriormente haberá obradoiros de elaboración de pan nun forno tradicional de leña e xogos relacionados con aspectos naturais do Parque.
Logo do xantar, celebrarase o Gran concurso do Invernadeiro, no que os alumnos de 4º, 5º e 6º do Colexio Bibei competirán resolvendo cuestións do aprendido na xornada. Os escolares poderán dar a benvida ao parque a un novo habitante, un cabalo de pura raza galega, e soltarán un aguia,e.
Mañá mércores será o turno do parque de Enciña da Lastra, onde se combinarán charlas informativas, visitas a exposicións interactivas e rutas ao aire libre.
O xoves as actividades trasladaránse ao parque da Baixa Limia-Serra do Xurés. O programa deseñado por Medio Ambiente desenvolveranse na aldea recuperada de Salgueiro.
