Os interesados non teñen a necesidade de coñecementos previos deste periodo histórico, repertorios ou técnica de instrumento
O Museo da Gaita de Fole de Barbadás acollerá os días 20 e 21 de xaneiro un seminario sobre repertorio instrumental inglés de entre finais do século XVI e a primeira metade do século XVII. Será impartido polo director deste espazo museístico, Paulo Gonçalves.
Os interesados non teñen a necesidade de coñecementos previos deste periodo histórico, repertorios ou técnica de instrumento.
A admisión estará aberta ata mañá, 17 de xaneiro, e haberá límite de participantes. Para realizar a inscrición pódese contactar coa Fundación Vicente Risco. O prezo é de 50 euros e celebrarase durante dous días en sesións de mañá e tarde.
A época sobra a que versa o curso é coñecida por ser un periodo no que a gaita de fole estaba en continua innovación para mellorar as prestacións que demandaba a sociedade.
