MOVILIDAD

Concordia, novo obxectivo de peatonalización en Ourense

O tráfico nesta rúa, na avenida de Buenos Aires e en Bedoya estará afectado na Semana da Mobilidade

 

Presentación de las actividades que se desarrollarán en Ourense con motivo de la Semana Europea de la Movilidad.
Presentación de las actividades que se desarrollarán en Ourense con motivo de la Semana Europea de la Movilidad.
Concordia, novo obxectivo de peatonalización en Ourense

A Semana Europea da Mobilidade, que se celebrará na cidade de Ourense entre o 17 e 23 de setembro, ten como obxectivo "humanizar a cidade e facer que os peóns teñan prioridade nas rúa"s, tal e como explicou o concelleiro de Infraestruturas, José Araújo, durante a presentación da iniciativa. 

O comezo do evento durante a xornada de mañá coincidirá coa peatonalización oficial da rúa Xoaquín Lorenzo e da primeira parte da rúa Cardenal Quevedo, ata a avenida da Habana. Esta decisión municipal chega despois da fase de experimentación realizada durante a Semana da Mobilidade do pasado ano, cando ambos tramos se convertiron, por uns días, en peoniles. Na edición deste 2018, serán Concordia, avenida de Bos Aires ata Valle Inclán e Bedoya ata Valle Inclán as que se verán afectadas polos cortes. Deste xeito, os vehículos non poderán aparcar nelas durante toda a semana, aínda que si circular. Porén, durante o Día sen coches, 22 de setembro, os tres tramos permanecerán pechados ao tráfico, do mesmo xeito que a rúa Pardo de Cela, e só poderán acceder os coches que se dirixan a garaxes privadas ou parkings públicos, así como aqueles vehículos de carga e descarga. José Araújo adiantou na rolda de prensa a posible peatonalización definitiva da rúa Concordia, propiedade da Xunta de Galicia. "Solicitamos á Dirección Xeral de Infraestruturas que traballe na humanización desta rúa, para que se convirta nunha plataforma única de uso peonil", explicou o concelleiro. O seguinte paso é a presentación oficial deste proxecto dende o Goberno galego, que se fará en "breves", en palabras do propio Araújo. "Queremos que os vehículos circulen sabendo que o peón é o prioritario", engadiu. 


Actividades


Durante toda a semana, a cidade acollerá diversas actividades deportivas e culturais. José Araújo quixo destacar a exposición fotográfica "Combina e Móvete", organizada en colaboración con Viaqua, que presentará imaxes de persoas ou empresas ourensanas que apostan polo transporte ecolóxico. 

Do mesmo xeito, salientou a charla que o Marcos Valcárcel acolle o próximo luns 17, sobre o proceso Móvete por Ourense, co que se pretende impulsar novos hábitos de mobilidade menos contaminantes co medio ambiente entre a veciñanza da cidade.