As obras de ampliación da área de radioloxía do Edificio Cristal comezaron esta semana. Espérase que a unidade comece a funcionar o vindeiro setembro
As obras de ampliación da área de radioloxía do Edificio Cristal comezaron esta semana co obxectivo de ampliar o espazo para a instalación dunha segunda unidade de Resonancia Magnética Nuclear (RMN), que se espera comece a funcionar o vindeiro setembro.
O orzamento destinado para as obras é de 618.781,61€, que teñen como obxectivo "habilitar e reformar un espazo adxunto á unidade de radiodiagnóstico, onde se ubicará o noco equipo de alta tecnoloxía, así como reordenar os espazos, fluxos e circulación de pacientes", explican desde o Sergas
No ano 2017 realizáronse máis de 17.000 estudos de RMN desde os distintos servizos do hospital e os centros de atención primaria de Ourense, a maioria con carácter ambulatorio.