Esta técnica ten o seu ámbito de actuación fóra dos límites da visión do ollo humano, polo que precisa empregar medios de magnificación de imaxe ou instrumental máis fino e delicado
O Laboratorio de Microcirurxía Experimental do CHUO cumpre 20 anos este 2018 e este venres conmemorouse a data cunha xornada científica sobre a evolución destas técnicas e a súa aplicación. O Laboratorio realiza funcións de investigación, docencia e adestramento en técnicas microcirúrxicas, para o que imparte cursos de formación para o persoal de Ourense e do resto de Galicia e para investigadores da USC e da UVigo.
No eido asistencial, estas técnicas son de aplicación na maioría das especialidades cirúrxicas de Ourense, que teñen por misión dar resposta a reconstruccións complexas orixinadas por diferentes causas, como accidentes.
A microcirurxía ten o seu ámbito de actuación fóra dos límites da visión do ollo humano, polo que precisa empregar medios de magnificación de imaxe ou instrumental máis fino e delicado.
