O Comité de Campaña reuniuse cos candidatos ás municipais na comarca
O emprendemento será a clave na que incidirá o PP como fórmula para fixar poboación e poñer en valor os recursos da comarca de Trives. Así se puxo de manifesta onte no transcurso da reunión que mantivo o Comité de Campaña Provincial do partido cos candidatos e presidentes locais da comarca. Na reunión de onte, centrada na xunta electoral da zona de Trives, participaron representantes de O Bolo, Castro Caldelas, Chandrexa de Queixa, Larouco, Manzaneda, Montederramo, A Proba de Trives, San Xoán de Río, A Teixeira, Viana do Bolo e Vilariño de Conso.
A reunión de onte centrouse en dúas cuestións que o PP ourensanao considera claves para esta zona da provincia. Por unha banda, a necesidade de fixar poboación, un dos problemas fundamentais da provincia. Os participantes no encontro coincidiron "na importancia de fomentar a cultura emprendedora, co fin de facilitar o asentamento de emprendedores que busquen a posta en valor e desenrolo dos recursos endóxenos do territorio", segundo sinalou o partido ó remate do mesmo.
A reunión serviu, ademáis, para recabar propostas que serán incluida no Programa Electoral Marco Provincial do PP. No decurso do mesmo, o coordinador do Comité de Campaña, Jorge Pumar, recalcou a importancia do patrimonio, tanto natural como monumental, "que requerirá plan específicos para a súa posta en valor". Recalcaou, asimesmo, que outra clave será a aposta pola estación de montaña de Manzaneda como eixo do desenrolo comarcal, "un esforzo que se visualiza coa próxima entrada do goberno da Deputación Provincial no accionariado de Meisa".