Para axudar ao alumnado a atopar o seu primeiro traballo no ámbito da UE, os campus de Ourense, Vigo e Pontevedra acollerán, respectivamente, os días 5, 6 e 7 de maio o Forumemprego
Para ter éxito na procura de emprego é moi importante saber onde buscar e como presentarse a ese posto. Ter un bo currículo non chega, tamén hai que saber onde están as oportunidades e como aproveitalas positivamente. Para axudar ao alumnado a atopar o seu primeiro traballo no ámbito da UE, os campus de Ourense, Vigo e Pontevedra acollerán, respectivamente, os días 5, 6 e 7 de maio o Forumemprego Universitario 2015 14 Xornadas Universitarias de Emprego de Galicia e Norte de Portugal. Na cita, os participantes aprenderán cales son as ferramentas básicas para afrontar a mobilidade do mellor xeito posible.
O Forumemprego Universitario 2015 está organizado pola Vicerreitoría de Estudantes a través da conselleira EURES (EURopean Employment Services) Transfronteirizo Galicia-Norte de Portugal da Universidade de Vigo, Emilia Seoane, contando o evento coa colaboración da Área de Emprego e Emprendemento da Universidade de Vigo, da Universidade do Minho e dos centros onde se celebra.
