A Facultade de Ciencias da Educación do campus de Ourense ten aberto o proceso para a renovación do seu decanato
A Facultade de Ciencias da Educación do campus de Ourense ten aberto o proceso para a renovación do seu decanato. Despois de tres anos de mandato, o equipo decanal encabezado por Mar García Señorán preséntase á renovación “sentíndonos na obriga de presentarnos tendo en conta que estamos en pleno proceso de renovación da acreditación dos nosos catro títulos de grao”. Consecuentemente con este compromiso, a súa candidatura, a única presentada ás eleccións, contempla a renovación nos seus postos dos actuais vicedecanos, vicedecanas e secretario.
A candidatura encabezada por Mar García propón a continuidade do actual equipo decanal, que ten como vicedecanos ou vicedecanas a Ramón Ángel Fernández, Mª del Pino Díaz, Xosé Manuel Cid e María del Carmen Ricoy, estando como secretario Antonio González.