Cada ano a Universidade de Vigo tramita preto de 500 bolsas Eramus + que cobren os gastos correspondentes á metade do curso
Entre catro e cinco estudantes dos campus de Vigo e Pontevedra poderán beneficiarse o vindeiro curso das axudas complementarias ás bolsas Erasmus + que pon en marcha o Centro Comercial Gran Vía de Vigo. Cada ano a Universidade de Vigo tramita preto de 500 bolsas Eramus + que cobren os gastos correspondentes á metade do curso e a partires de agora o centro comercial financiará catro meses adicionais, coa mesma dotación económica que fixa o programa europeo. O vindeiro mes de abril o alumnado poderá comezar a entregar a súas solicitudes para destinos nos que vaian cursar titulacións en inglés, dependendo a concesión das bolsas das variables de nota media e a súa condición de bolseiro ou bolseira Mecd durante o curso 2014-2015.
Na sinatura do acordo, o primeiro destas características que se produce entre a Universidade de Vigo e o Centro Comercial Gran Vía de Vigo, o reitor, Salustiano Mato destacou a relevancia desta iniciativa, que considerou un exemplo de “boa práctica público-privada entre actores sociais e a institución académica.
