O I Congreso Internacional da Auga xuntou os pasados días 23 e 24 de setembro a arredor de 200 congresistas procedentes dun total de once países
O I Congreso Internacional da Auga xuntou os pasados días 23 e 24 de setembro a arredor de 200 congresistas procedentes dun total de once países para compartir un intenso programa que incluíu arredor de 50 comunicacións orais.
Os premios do congreso, celebrado no marco do proxecto de especializacion do campus de Ourense como Campus da Auga, distinguiron nove destes traballos, cinco deles feitos ou participados por investigadores da Universidade de Vigo.
Os premios estiveron estruturados en función das catro áreas temáticas nas que estivo organizado o congreso, como son as augas mineromedicinais e termais, o patrimonio e a arquitectura termal, o turismo experiencial e de saúde e a investigación xeral sobre a auga.
En total, entregáronse 1.500 euros en premios, patrocinados por Caldaria, Cabreiroá e Fundación Bílbilis.
