O concello tamén publicou a taxa para as instalacións de transporte de enerxía eléctrica, gas, agua e hidrocarburos
O Concello da Pobra de Trives publicou onte no seu portal de Transparencia dúas novas ordenanzas, que foron aprobadas no seu día pola corporación municipal. A primeira delas fai referencia á creación dunha taxa pola instalación de caixeiros automáticos nas fachadas dos inmobles con acceso directo desde a vía pública. A segunda refírese á taxa pola utilización privativas ou aproveitamento de dominio público local das instalacións de transporte de enerxía, gas, auga e hidrocarburos.
A primeira ordenanza refírese a unha tasa "ao aproveitamento especial do dominio público que comporta a instalación polas entidades bancarias de caixeiros automáticos" e demáis aparatos de que se serven as entidades financieiras para prestar os seus servizos nas fachadas dos inmobles, con acceso directo desde a vía pública, con espazos sen pechar, abertos ao uso público. A ordenanza non será aplicable aos caixeiros automáticos e demais aparatos que estean situados en expazos delimitados por elementos permanente de peche.
A cota de taxa fixada polo Concello por caixeiros automático é de 550 euros ao ano. En canto aos locais situados nas rúas do Casco Histórico, a taxa será de 480 euros por caixeiros automático ou máquina expendedora.
Uso do dominio público
Tamén publica o Concello a taxa reguladora pola "utilización privativa ou aproveitamento especial do dominio público local" polas instalaciones de transporte de enerxía eléctrica, gas, auga e hidrocarburos. Inclúense nesta taxa as instalacións de transporte con todos os seus elementos indispensables, como caixas de amarre, torres metálicas, transformadores, instalacións ou liñas propias de transporte ou distribución de enerxía eléctrica, gas, ou outras subministracións enerxéticas, instalacións de bombeo e demais elementos análogos".
