"O verán non chega" é o novo éxito do agro-pop, tralas versións virais a Miley Cirus, Jennifer López ou Wisin e Yandel.
"Sube na bertolina", "Préndeme o boi" ou "Ferti Món". Páramo Pictures xa nos ten afeitos a versionar os 'hit' de Miley Cirus, Jennifer López ou Wisin e Yandel. Mais agora, con "O verán non chega" volven marcar un fito no agro-pop viral que tan bos resultados lles está a dar. E tanto. Nun só día, acumulan case 40.000 visionados na súa canle de Youtube.
O verán non chega, pero para Páramo Pictures, os éxitos son imparables.
