Dentro e fóra do horario escolar, no CEIP Manuel Luis Acuña ofertan un amplo abano de propostas educativas complementarias
O CEIP Manuel Luis Acuña destaca tamén pola importante oferta de actividades complementarias que serven para celebrar días sinalados por todo o alto como é por exemplo o Día da Paz, o Día das Letras Galegas, o Día do Libro, etcétera. Participan ademais nas propostas que oferta o Concello e organismos privados.
Tamén, fóra do horario escolar, e potenciadas pola ANPA do centro, contan con ximnasia, baile galego, fútbol sala e informática.
A estas propostas súmanse os luns, mércores, xoves e venres pola tarde reforzo educativo a través do programa Contrato-Programa (Proa), atendido por profesorado do centro.