AGACA e a OBRA SOCIAL "La Caixa" presentaron a actividade educativa no CEIP de Mariñamansa e percorrerán os centros de ensino de toda Galicia
Agaca e a Obra Social "La Caixa" organizan conxuntamente e un ano máis a actividade educativa "Almorz@s con Beizos Brancos".
O CEIP Mariñamansa acolleu hai uns días esta proposta coa que se pretende ensinar aos escolares diversas opcións para almorzar dun xeito saudable e axeitado. Así, mediante un divertido xogo aprenderon como se produce e transforma o leite ata o momento xusto de ser consumido. Para reforzar as explicacións, os escolares probaron un almorzo completo e equilibrado e atenderon ás explicacións que un grupo de expertos lles proporcionou.
A actividade continuará percorrendo os centros de ensino de toda Galicia nas vindeiras datas, co fin de fomentar nos fogares os hábitos alimentarios saudables, ao tempo que se pretende pór en valor os productos do campo galego.
