No patio das palabras do CPR San Pío X hai moitos termos, en diferentes idiomas, que decoran o espazo de xogo
Iago e Laura de 6º de Primaria foron os encargados de presentarnos o seu alegre e colorido colexio. Chaman a atención os grafitis e o patio das palabras, inaugurado con motivo do Día da Paz. Visitamos todas as aulas de Educación Infantil, onde os nenos de 3º de Primaria len un conto aos nenos de 4 anos, actividades de lectura moi dinámicas nas que os máis maiores exercen de divertidos mestres.
Xa en Primaria percorremos diferentes aulas, explicáronnos en que estaban a traballar e puidemos ver chamativos murais que decoran o centro.