CELEBRACIÓN

As bibliotecas galegas conmemoraron o día do usuario

Entre as propostas adicadas aos máis cativos, en Ourense destacou ademáis da visita guiada e sorteos de libros, un obradoiro de expresión artística que estivo dirixido a nenos e nenas de 7 a 12 anos

Con motivo do Día do Usuario/a das Bibliotecas, o 11 de xaneiro, as bibliotecas centrais territoriais das cidades galegas organizaron diversas iniciativas dirixidas a todos os públicos para promover a celebración desta data, coa que abre o Calendario do Libro e da Lectura 2017. 

Visitas guiadas para dar a coñecer os servizos que ofrece cada centro, obradoiros, mostras bibliográficas, recoñecementos para os lectores máis activos e agasallos para as persoas que se achegaron ás bibliotecas centraron as propostas conmemorativas das bibliotecas, entre elas a Biblioteca Pública Nodal de Ourense.

Entre as propostas adicadas aos máis cativos, en Ourense destacou ademais da visita guiada e sorteos de libros, un obradoiro de expresión artística que estivo dirixido a nenos e nenas de 7 a 12 anos.

Te puede interesar
Más en Xornal Escolar