Arrancou o ciclo do Entroido en Xinzo de Limia, o Domingo Fareleiro reuniu a centos de persoas que participaron na tradicional "batalla da farelada"
Arrancou o ciclo do Entroido en Xinzo de Limia, o Domingo Fareleiro reuniu a centos de persoas que participaron na tradicional "batalla da farelada" e sacaron á rúa os primeiros disfraces da tempada. Comezou así a festa grande do municipio limiano. Quedan aínda por diante moitos días de troula ata o remate do Entroido, que será o día 22 de febreiro, pero os veciños de Xinzo e todos os que se apuntaron á primeira das grandes festas carnavaleiras celebran cada día de festa como se fora o último. A praza maior da localidade e todo o casco urbán congregou a centos de persoas para participar na gran festa que comezou pola mañá e gañou adeptos pola tarde.
Os máis cativos últiman, nos seus correspondentes centros de ensino, os disfraces que lucirán nos múltiples desfiles que realizarán próximamente. Mentras agardan o día lucen traxes diversos, aínda que nesta ocasión o que predominaron foron fundas, plásticos, gafas e gorros cos que protexerse mellor da fariña.
