PHOTOCALL

O Entroido, a gran festa da provincia

Nenos e nenas de todo Ourense festexaron estes días unha das súas datas favoritas

As EEI de Noalla e Santa Cruz celebraron unha festa de Entroido conxunta na que México foi o protagonista.
As EEI de Noalla e Santa Cruz celebraron unha festa de Entroido conxunta na que México foi o protagonista.
O Entroido, a gran festa da provincia

Colorido, confetis, brillo nas vestimentas ou maquillaxes de fantasía. Estes son só algúns dos ingredientes que non poden faltar en calquer Entroido que se precie. 

Nenos e nenas de toda a provincia celebraron estes días unha das súas festas preferidas. Primeiro o fixeron no colexio e despois xa nos seus pobos, cidades, vilas e en familia.

Nos colexios, os máis cativos, coa axuda dos profesores e familiares, elaboraron os seus disfraces. Para elo esforzáronse moito para convertirse por un día nos seus personaxes animados preferidos, en superheroes, en animais fantásticos, e en tantas e tantas cousas como permite a imaxinación. Foron días de festa nos que o principal era gozar de cada minuto lucindo as mellores galas para a ocasión. Este ano dun xeito especial foron moitos os colexios que lle quixeron rendir un especial homenaxe aos bosques, á auga e aos animais que tanto sufriron os efectos dos incendios.