Moitos ourensáns achegáronse este domingo ó parque ferroviario de Os Carrileiros para desfrutar dunha grande experiencia relacionada co mundo do ferrocarril.
Gozar dunha actividade diferente, ao aire libre e en familia. Esta foi a aposta de moitos ourensáns que se achegaron ao parque ferroviario de Os Carrileiros na mañá do pasado domingo. A experiencia, nova para moitos deles, foi sensacional xa que gozaron das propostas repartidas en máis de 4.000 metros cadrados adicados exclusivamento ao mundo ferroviario. O espazo repártese nun gran circuito, dúas estacións, servicio de venda de billetes, sala de espera e apeadeiro, un espazo perfectamente montado para gozar dunha experiencia única.
Os cativos foron os que máis gozaron desta experiencia montados sobre os trens e segundo as indicacións que lles proporcionaban en todo momento. Ademais, ao longo de todo o recinto pódese ver material histórico relacionado co ferrocarril ourensán.
Por un módico prezo, Ourense conta cun espazo cheo de encanto onde pasar un bo rato de ocio.