Como é habitual cada ano e para despedir as festas do Entroido, Celanova acolleu a celebración do Sábado de Piñata, o principal acto do Entroido desta vila ourensana
Como é habitual cada ano e para despedir as festas do Entroido, Celanova acolleu a celebración do Sábado de Piñata, o principal acto do Entroido desta vila ourensana. O desfile contou coa presenza de carrozas, charangas e comparsas, moitas delas xa participaron días antes noutros Entroidos das vilas veciñas como foi o caso de Xinzo de Limia, Ourense ou Verín. O máis característico volveron a ser as gárgolas (máscaras típicas da vila) que recorreron xunto a outros moitos personaxes as principais rúas da vila enchedo de colorido cada rincón ao seu paso. O desfile comezou ás cinco da tarde e contou coa participación de preto dun millar de persoas que integraban a comitiva multicolor. No tocante aos espectadores, tamén se sumaban por centos os asitentes a un espectáculo que comezou na zona de Pedra da Moa para finalizar na Praza Maior, onde se fixo entrega dos premios aos mellores disfraces dos nenos. Xa pola noite entregáronse os premios aos adultos.