A Asociación Xuvenil Amencer organiza o encontro musical benéfico a favor do Campamento Urbano
Un ano máis, a Asociación Xuvenil Amencer organiza o Festival Camiño á Fama, un evento musical que cada edición conta con máis adeptos. A cita será o vindeiro sábado, 30 de maio, no Teatro do colexio Salesiano, onde a partir das 18:00 horas comezará un fantástico espectáculo onde os mozos e mozas participarán en dúas categorías diferenciadas, por un lado de playbacks e por outro de coreografías.
Trátase dun festival benéfico cuxa entrada será soamente de tres euros, cartos que irán integramente destinados a beneficio do Campamento Urbano que cada periodo estival organiza a asociación xuvenil. As entradas estarán á venda o propio día do evento, a partir das 17:00 horas.Participarán distintas academias e grupos de baile da cidade de As Burgas, ás que se sumarán grupos de mozos e mozas anónimos que a bo seguro farán pasar un bo rato a todos os asistentes.
