CONCURSO

Na procura das mellores instantáneas para conmemorar o Día Meteorolóxico Mundial

O concurso está dirixido a todos os centros de ensino de Galicia

Con motivo do Día Meteorolóxico Mundial, que nesta edición leva por lema "Entendendo as nubes", a Consellería de Medio Ambiente e Ordenación do Territorio convoca o primeiro concurso de fotografía sobre este hidrometeoro, para resaltar a enorme importancia que revisten as nubes para o tempo, o clima e a auga. A directora xeral de Calidade e Avaliación Ambiental, María Cruz Ferreira Costa, avanzou que xa se poden consultar as bases e a convocatoria no Diario Oficial de Galicia (http://bit.ly/2o7QKua) . 


O concurso está dirixido a todos os centros de ensino de Galicia (educación infantil, primaria, secundaria e formación profesional), que poderán participar en dúas categorías, organizadas en función das idades.
Cada centro poderá enviar ata un máximo de tres fotografías, das que se valorará a orixinalidade, excepcionalidade e valor artístico das mesmas, que serán obras orixinais e inéditas e non estarán retocadas por ningún programa informático. Para participar nesta convocatoria cada centro educativo poderá enviar ata un máximo de tres fotografías á Consellería de Medio Ambiente e Ordenación do Territorio, a través do enderezo electrónico [email protected].  O prazo para a remisión de fotografías será de dous meses contados desde o día seguinte ao da publicación desta convocatoria no Diario Oficial de Galicia.

Te puede interesar
Más en Xornal Escolar