Os alumnos do CPR San Pío X están desexando que chegue a primeira semana de agosto porque viaxarán, un ano máis, a Tui, para gozar da convivencia de verán
O concurso Xornal Escolar de Telemiño permite coñecer en profundidade os centros de ensino de Ourense e gozar do proceso de gravación dun programa, participando, ademais, nas tarefas de realización.
En esta ocasión, os alumnos do CPR San Pío X son os concursantes deste divertido e ameno espazo. O concursante é o mestre do centro e os co-presentadores son os alumnos, xunto con Conchi Pérez, a presentadora, teñen a divertida tarefa de conducir un programa de televisión.
Despois da gravación no colexio, onde con moita naturalidade e profesionalidade nos presentaron o centro educativo, visitaron o plató de Telemiño. Unha gran experiencia televisiva onde se poñen en contacto co proceso de gravación dun programa escolar. Os alumnos que visitaron o plató foron os de 3º, 4º, 5º e 6º de primaria do Cpr San Pío X.
O concursante desta semana é Pablo Míguez recente mestre do centro, titor de 4º de primaria.
Respondeu a unha serie de preguntas que traían preparadas para el e superou varias probas que se gravaron días antes no colexio.
Nesta ocasión cada co-presentador era o responsable dun bloque de preguntas.
Mario encargouse das preguntas de cultura xeral, María fixo as tres preguntas sobre o centro escolar e Sara fixolle ao seu mestre as preguntas persoais.
Quen foi o pai de Felipe II?
Se non recordo mal, Carlos I.
Cantas caras ten un icosaedro e que polígonos son as súas caras?
Sobre 20 e son triángulos equiláteros.
Ola escríbese con "h" ou sen "h"?
En galego sen h, en castelán con h.
As preguntas sobre o colexio realizounas María, unha divertida presentadora.
Imos máis aló, ao lado personal
Dende cando está o colexio en funcionamento?
O cole funciona dende 1967. Moitos pais e familiares estudaron no centro educativo.
Cando e onde se fan os campamentos de verán?
Caracterizan moito ao noso colexio. Os campamentos de verán son moi recoñecidos. A primeira semana de agosto en Tui, na provincia de pontevedra.
Cantos alumnos hai este curso no centro?
Sobre 220, exactamente 219.
O colexio, unha gran familia
Somos unha gran familia na que se traballa moi ben. Sara fixo as preguntas persoais:
Cal é a túa materia preferida?
Non hai ningunha que me guste máis . Disfruto con todas.
Que é o que máis che gusta no mundo?
Pasar tempo coa miña familia e os meus amigos, practicar deporte. Relacionarme coa xente. Cousas sinxelas.
Por que che gusta ser mestre?
Gústame todo o relacionado coa ensinanza e estar cos nenos, son moi cercanos. Estou moi relacionado coa ensinanza, é vocacional.
Durante un ano fun profesor en Inglaterra e a experiencia é moi positiva. O sistema educativo é diferente, hai cousas mellores deles e outras mellores en España. Organizou un torneo internacional de baloncesto con diferentes equipos de Inglaterra e Galicia. Pasamos 4 días moi interesantes. Colaborou en Salesianos e este ano co baloncesto feminino pabellon. Todos os mestres do centro son moi activos. A experiencia de saír na televisión, de presentar, de ver un plató e o proceso de gravación, resultou moi positivo para os alumnos que visitaron o plató.
